Հայաստանի Հանրապետության ազգային հերոս, Արցախի հերոս Մոնթե Մելքոնյանի ծննդյան 64-ամյակի կապակցությամբ Վարդենիս համայնքի Խաղաղության հրապարակում բացվել են Մոնթե Մելքոնյանի հուշարձանն ու նրա անվան պուրակը, տեղեկացնում են Վարդենիսի համայնքապետարանից։
Զինվորականների կողմից ծաղկեպսակ է դրվել հուշարձանի առջև, որից հետո Արցախյան պատերազմներում հերոսաբար զոհված քաջորդիների հիշատակին մատուցվել է հոգեհանգստի կարգ:
Արարողությանը ներկա են գտնվել հուշարձանի նախագծման հեղինակ, ճարտարապետ Համլետ Գասպարյանը, քանդակագործ Արթուր Շահինյանը, ուժային կառույցների ղեկավարներ, հյուրեր, վարդենիսցիներ:
Արարողությունը եզրափակել են Վարդենիս համայնքի հանրակրթական դպրոցների սաները՝ հանդես գալով Մոնթե Մելքոնյանի հեղինակային խոսքերով, նրան ձոնված բանաստեղծություններով ու երգերով: