Լիբանանի համալսարանի երկու գիտաշխատող է զոհվել իսրայելական հարվածի հետևանքով

Իսրայելական անօդաչու թռչող սարքը հարձակվել է Լիբանանի պետական համալսարանի մասնաշենքերից մեկի վրա, զոհվել են երկու գիտաշխատողներ, որոնք այդ պահին գտնվել են աշխատավայրում, «ՌԻԱ Նովոստի»-ին հայտնել է համալսարանի ռեկտոր Բասամ Բադրանը։

«Իսրայելական անօդաչու թռչող սարքի հարվածն իրենց ֆակուլտետի տարածքում գտնվող դասախոսներին ակնհայտ ռազմական հանցագործություն է, և Իսրայելը պետք է պատասխանատվության ենթարկվի դրա համար»,- ասել է Բադրանը:

Ըստ ռեկտորի, Ճշգրիտ գիտությունների ֆակուլտետի առաջին բաժնի տնօրեն դոկտոր Հուսեյն Բազին և քիմիայի և կենսաքիմիայի դասախոս դոկտոր Մորթադա Սուրուրը, ինչպես և մյուս դասախոսները, շարունակում էին այցելել իրենց ֆակուլտետներ վարչական աշխատանք կատարելու համար այն բանից հետո, երբ Բեյրութի Հադաս շրջանում գտնվող համալսարանը փակվեց իսրայելական գնդակոծությունների պատճառով:

Բադրանը նշել է, որ ֆակուլտետի տնօրենի և մի շարք վարչական և դասախոսական անձնակազմի ներկայությունը համալսարանում պայմանավորված է եղել կոնֆլիկտի պատճառով ֆակուլտետների հարկադիր փակումից հետո հեռավար ձևաչափով ուսումնական գործընթացը շարունակելու նախապատրաստմամբ:

Լիբանանի կառավարությանն առընթեր ճգնաժամային կենտրոնի տվյալներով՝ մարտի 10-ի դրությամբ Լիբանանին Իսրայելի կողմից հասցված հարվածներից առնվազն 570 մարդ է զոհվել, 1444-ը՝ վիրավորվել։

Մեր տելեգրամյան ալիքը՝ t.me/usanoghnews