Վահե Հովեյանը (80 կգ) դարձավ Ըմբշամարտի Եվրոպայի Մ17 առաջնության չեմպիոն։
15 տարեկան մարզիկը հունահռոմեական ոճի եզրափակչում մեկ րոպեում 8-0 հաշվով հաղթեց հունգարացի ըմբիշին ու նվաճեց ոսկե մեդալը։
Ավելի վաղ Ալեքսան Շալջյանը (92 կգ) կիսաեզրափակչում 6-0 հաշվով հաղթեց ադրբեջանցի Զոհրաբ Սաֆարովին ու դուրս եկավ Բուլղարիայում անցկացվող Ըմբշամարտի Եվրոպայի Մ17 առաջնության եզրափակիչ։
Զավեն Մեժլումյանը (65 կգ) եզրափակիչում 3:6 հաշվով պարտվեց ռուսաստանցի Ասլան Ձուևին ու դարձավ արծաթե մեդալակիր, 55 կգ քաշային Գեղամ Եղիազարյանն ու 48 կգ քաշային Արարատ Ավետիսյանը դարձան բրոնզե մեդալակիրներ:
Ըմբշամարտի Եվրոպայի մինչև 17 տարեկանների առաջնությունն անցկացվում է Բուլղարիայի Սամոկով քաղաքում մայիսի 11-17-ը։ Մայիսի 15-ին մրցագորգ դուրս կգան ազատ ոճայինները։
Մեր տելեգրամյան ալիքը՝ t.me/usanoghnews
