Շախմատի համաշխարհային 46-րդ օլիմպիադայի 9-րդ խաղափուլում Հայաստանի հավաքականը 2.5:1.5 հաշվով առավելության է հասել Ադրբեջանի նկատմամբ, հայտնում են Հայաստանի շախմատի ֆեդերացիայից։
Թիմին հաղթական միավոր է բերել գրոսմայստեր Գաբրիել Սարգսյանը՝ հաղթելով գրոսմայստեր Ռաուֆ Մամեդովին։
Գրոսմայստերներ Հայկ Մարտիրոսյանի, Ռոբերտ Հովհաննիսյանի և Շանթ Սարգսյանի խաղերն ավարտվել են ոչ-ոքի արդյունքով:
9 խաղափուլից հետո Հայաստանի տղամարդկանց հավաքականը 18 հնարավորից ունի 15 թիմային միավոր (6 հաղթանակ, 3 ոչ-ոքի)։
Հայաստանի կանանց հավաքականը 9-րդ տուրում 1:3 հաշվով պարտվեց Չինաստանի թիմին:
Հիշեցնենք, որ շախմատի 46-րդ համաշխարհային օլիմպիադան Սամարղանդում մեկնարկել է սեպտեմբերի 15-ին և կավարտվի սեպտեմբերի 27-ին: Մրցաշարում կխաղարկվի 11 տուր: Օլիմպիադային մասնակցում են 208 երկրների ավելի քան 1900 շախմատիստներ:
Մեր տելեգրամյան ալիքը՝ t.me/usanoghnews
