Ամանորյա տոները ԵՊՀ-ում մեկնարկեցին մանուկների ժպիտներով, հայտնում են բուհից։ Զվարճալի և ուսուցողական խաղերով, երգերով ու պարերով, հետաքրքիր անակնկալներով ու երեխաների սիրելի մուլտհերոսների կերպարների մասնակցությամբ անցկացվեց տոնական միջոցառում՝ հիշարժան ու գեղեցիկ պահեր պարգևելով փոքրիկներին։
ԵՊՀ անձնակազմի կառավարման բաժինը համալսարանի աշխատակիցների երեխաների համար կազմակերպեց յուրահատուկ միջոցառում՝ օրը դարձնելով տարբերվող, հիշարժան և հեքիաթային պահերով լի։
