Որոշ երեխաների մասով կարող է որոշում կայացվել առաջին դասարան ընդունել 7 տարին լրանալու դեպքում։ Այս մասին իր ֆեյսբուքյան էջում գրել է ՀՀ ԿԳՄՍ նախարար Ժաննա Անդրեասյանը:
«Դպրոց ընդունելության գործընթացում հաշվի կառնվի երեխաների՝ կրթության զարգացման առանձնահատուկ պայմանների կարիքը և դրանից կախված՝ որոշ երեխաների մասով, իրենց լավագույն շահից ելնելով, կարող է որոշում կայացվել առաջին դասարան ընդունելության մասով յոթ տարին լրանալու դեպքում»,– գրել է նա։
Այս պահին գործող օրենքի համաձայն դպրոցի առաջին դասարան ընդունվում են այն երեխաները, որոնց վեց տարին լրանում է տվյալ օրացուցային տարում:
Հիշեցնենք, որ աաջին դասարանցիների հայտագրումը այս տարի կմեկնարկի հունիսի 9-ից։
Մեր տելեգրամյան ալիքը՝ t.me/usanoghnews
