Արցախի նախադպրոցական, արտադպրոցական հանրակրթական, նախնական (արհեստագործական) և միջին մասնագիտական ուսումնական հաստատություններում ուսումնական գործընթացը վերսկսվելու է մարտի 28-ից։
Այս մասին հայտնում են Արցախի Հանրապետության կրթության գիտության, մշակույթի և սպորտի նախարարությունից։
Հիշեցնենք, որ նշված հաստատություններում ուսումնական գործընթացի վերսկսման ձգձգումը կապված է ջեռուցման խնդիրների հետ, որ առաջացել են ադրբեջանցիների կողմից Արցախ մտնող գազատարի աշխատանքի դադարեցման պատճառով։