Արցախից բռնի տեղահանված անձանց բնակարանային ապահովման աջակցության ծրագրի մանրամասներն է ներկայացրել փոխվարչապետ Տիգրան Խաչատրյանն այսօր տեղի ունեցած քննարկման ժամանակ։
- Աջակցությունը տրամադրվելու է անձանց բնակելի տուն կառուցելու կամ ձեռք բերելու համար։
- Քննարկվում է նաև սոցիալական բնակարաններ կառուցելու տարբերակը, որը տրամադրվելու է հատուկ խնամքի կարիք ունեցող քաղաքացիներին:
- Առաջնահերթությունը տրվելու է երեք և ավել անչափահաս երեխա ունեցող ընտանիքներին։ Հաջորդ փուլերում աջակցությունը կստանան երկու և մեկ անչափահաս երեխաներով ընտանիքները, այնուհետև այլ խմբերի ներկայացուցիչները։
- Այն ընտանիքները, որոնք առաջին փուլից հետո կշարունակեն սպասել բնակարանի իրենց հերթին, կօգտվեն պետության աջակցությունից։
- Բնակապահովման նպատակով աջակցության չափը մեկ անձի հաշվով նախատեսվում է շուրջ 3 մլն դրամ:
- Բնակարանային ապահովման աջակցությունից կարող են օգտվել այն անձինք, ովքեր կդառնան ՀՀ քաղաքացի։ Տվյալ բնակարանի կամ տան սեփականության իրավունքն իրենց կանցնի միայն 10-րդ տարվա ավարտին, եթե նրանք այդ ամբողջ ժամանակահատվածում բնակվել են տվյալ տանը կամ բնակարանում։
