Մարմնամարզիկ, օլիմպիական արծաթե մեդալակիր Արթուր Դավթյանը աշխարհի գավաթի խաղարկության առաջին փուլում ոսկե մեդալակիր է դարձել, հայտնում են Հայաստանի մարմնամարզության ֆեդերացիայից։
Դավթյանը հենացատկի եզրափակիչում վաստակել է 14.900 միավոր։
Մարմնամարզության աշխարհի գավաթի խաղարկությունն անցկացվում է Գերմանիայի Կոտբուս քաղաքում։
Հիշեցնենք, որ փետրվարի 22-ին էլ մարմնամարզիկ Վահագն Դավթյանը խաղարկության առաջին փուլի ոսկին էր նվաճել օղակներ վարժությունում` վաստակելով 14,133 միավոր։
