Օգոստոսի 6-ին Լիբանանի մայրաքաղաք Բեյրութի կենտրոնում բողոքող ցույցի մասնակիցների դեմ ոստիկանությունը արցունքաբեր գազ է կիրառել, տեղեկացնում է ՏԱՍՍ-ը։
Փլյաս Էթուալ հրապարակում ցուցարարները փորձել են ներխուժել խորհրդարանի շենք: Իրավապահների հետ բախումների ընթացքում երկու կողմից վիրավորներ կան:
Ցուցարարները հարձակվել են իրավապահների վրա նաեւ Պլյաս դե Մարթիր հրապարակում` An Nahar թերթի եւ քաղաքապետարանի մոտակայքում եւ քարեր եւ հրահեղուկ զանգվածով շշեր նետել ոստիկանների ուղղությամբ։
Ըստ Daily Star պարբերականի` Հասան Դիաբի կառավարության հրաժարականը պահանջող ակտիվիստիներին ոգեւորել է Ֆրանսիայի նախագահ Էմանուել Մակրոնի այցը Բեյրութ: Երբ Ֆրանսիայի ղեկավարն այցելել է օգոստոսի 4-ի պայթյունից տուժած Ջումեյզե պատմական թաղամաս, ցուցարարների բազմությունը նրան ողջունել է «Կեցցե Ֆրանսիան» վանկարկումներով:
Comment here
Դուք պետք է մուտք գործեք՝ մեկնաբանությունը ուղարկելու համար։