Հունվարի 24-ին Հայաստանում մեկնարկել է 2026 թ. միասնական քննությունների առաջին փուլը, որին մասնակցելու համար հայտագրվածները 12 538-ն են։
Վաղը՝ փետրվարի 8-ը, առաջին փուլի վերջին քննական օրն է. դիմորդները քննություն կհանձնեն «Հայոց պատմություն» ու «Քիմիա» առարկաներից, Usanogh.am—ին հայտնեց Գնահատման և թեստավորման կենտրոնի մամուլի քարտուղար Խաչանուշ Գրիգորյանը։
«Հայոց պատմություն» հանձնելու համար հայտագրվել է 1 364 դիմորդ (454՝ Երևանում, 910-ը՝ մարզերում)։
«Քիմիա» » հանձնելու համար հայտագրվել է 1 428 դիմորդ (651՝ Երևանում, 777-ը՝ մարզերում)։
Քննության գնահատականները հայտնի կդառնան 5-րդ օրը: Բողոքարկումը քննության 6-րդ օրն է լինելու՝ մինչև ժ. 18.00-ն։
Հիշեցնենք, որ 2026 թ. միասնական քննությունների առաջին փուլի միասնական քննությունները անցկացվում են հունվարի 24-ից փետրվարի 8-ը։
Մեր տելեգրամյան ալիքը՝ t.me/usanoghnews
