Հայտնի են ԵՊԲՀ-ի կրթաթոշակի արժանացած ուսանողների անունները

ԵՊԲՀ Գիտական խորհրդի նիստում հաստատվել է  2021-2022 ուսումնական տարվա անվանական կրթաթոշակի հավակնորդ ապագա բժիշկների թեկնածությունը:

Ընդհանուր բժշկության  ֆակուլտետից  «Մխիթար Հերացու անվան» կրթաթոշակ կստանա Հովհաննես Մանուկյանը, «Բարդուղիմեոս Ֆանարջյանի անվան» կրթաթոշակ՝ Մերի Խաչատրյանը, «Լևոն Հովհաննիսյանի անվան» կրթաթոշակ՝  Նազելի Գևորգյանը, «Վահան Արծրունու անվան» կրթաթոշակ՝ Սոնա Թունյանը և «Գրիգոր Արեշյանի անվան» կրթաթոշակի է արժանացել Էլիզա Պողոսյանը:

Ստոմատոլոգիական ֆակուլտետի ուսանողներից Մարիամ Հարությունյանը կստանա «Ռուբեն Յոլյանի անվան» կրթաթոշակ, Մերի Պառավյանը՝ «Կարլեն Եսայանի անվան» կրթաթոշակ, իսկ Ռուզաննա Առաքելյանը՝ «Լևոն Օրբելու անվան» կրթաթոշակ:

Դեղագիտական ֆակուլտետից  «Հակոբ Հովհաննիսյանի անվան» կրթաթոշակի է արժանացել Կիմա Պետրոսյանը, «Էմիլ Գաբրիելյանի անվան» կրթաթոշակի՝ (ԵՊԲՀ-ի և «Լիկվոր» ընկերության հետ կնքված պայմանագրի համաձայն) Գայանե Սահրադյանը:

ԵՊԲՀ-ից հիշեցնում են, որ անվանական կրթաթոշակի հավակնորդների մրցույթի համար սահմանվում են հետևյալ չափորոշիչները.

• բացարձակ գերազանց առաջադիմություն

• տպագրված գիտական աշխատանքներ

• օտար լեզվի իմացություն

• մասնակցություն առարկայական հանրապետական, միջազգային մրցույթներին, օլիմպիադաներին, ուսանողական գիտական նստաշրջաններին

• մասնակցություն ֆակուլտետների, համալսարանի ուսանողական, հասարակական աշխատանքներին: