ԳլխավորԼուր

ԵՊՀ-ում բոլորը բանուգործը թողել՝ մասնակցում են «ԲանՈՒԳործ» էքսպոյին. մթնոլորտը շարունակում է թեժ մնալ

ԵՊՀ «ԲանՈՒԳործ» էքսպո

Հայաստանյան բանկերի տաղավարներից մինչև պետական կառույցների տաղավարներ. ԵՊՀ Իրավագիտության ֆակուլտետի 2-րդ կուրսի ուսանող Նարե Պարոնյանն այսօր «ԲանՈՒԳործ․ ԵՊՀ էքսպո-2023»-ի շրջանակում հասցրել է ծանոթանալ աշխատաշուկայում սպասվող մի շարք առաջարկների և նույնիսկ ապագայի որոշակի պլաններ կազմել:

Usanogh.am-ն արդեն տեղեկացրել է, որ այսօր Երևանի պետական համալսարանի ծննդյան 104-ամյակի առթիվ Մայր բուհում անցկացվում է «ԲանՈՒԳործ․ ԵՊՀ էքսպո-2023»-ը։

«Ուսանողներով մոտենում էինք տարբեր տաղավարների, և, օրինակ, նախարարությունների ներկայացուցիչները բացատրում էին, թե ուսման, պրակտիկայի ընթացքում համագործակցման ինչ հնարավորություններ ունենք, կամ բուհն ավարտելուց հետո աշխատաշուկայում ինչպես կարող ենք դրսևորվել: Հիշում եմ` երբ փոքր էի, ինձ թվում էր, որ պետական մարմիններում հնարավոր է աշխատանքի անցնել միայն ծանոթի միջոցով: Այս էքսպոն կարծես եկավ ցրելու այդ միֆը»,- Usanogh.am-ի հետ զրույցում ասաց Նարեն:

Նշենք, որ «ԲանՈՒԳործ»-ը տաղավարների ամբողջություն է, որտեղ հայաստանյան լավագույն կազմակերպություններն այցելուներին ներկայացնում են տվյալ կազմակերպության գործունեությունը, առաջարկվող հնարավորություններն ու իրենց կորպորատիվ մշակույթը, իսկ կրթական ծառայություններ մատուցող համալսարանական ստորաբաժանումները՝ իրենց գործունեությունը, ծրագրերը, կրթական և աշխատանքային հնարավորությունները։

ԵՊՀ «ԲանՈՒԳործ» էքսպո
ԵՊՀ «ԲանՈՒԳործ» էքսպո

«Հատկապես ուշագրավ էր այն, որ էքսպոյին ներկայացված էին նաև ԵՊՀ ֆակուլտետները, որոնք այցելուին, պոտենցիալ դիմորդին ծանոթացնում էին տվյալ ֆակուլտետի ընձեռած հնարավորություններին, ներկայացնում էին այդ թեմայով տարբեր տարիների հաշվետվություններ: Նկատելի էր, որ դիմորդների, ուսանողների հետաքրքրվածությունը բավական մեծ էր էքսպոյի նկատմամբ»,-նշեց Նարեն:

Այսօր կանցկացվի նաև ԵՊՀ գերազանցության մրցանակաբաշխությունը, ինչին կհաջորդի տոնական համերգը՝ YSU Band-ի և հրավիրված երաժշտական խմբերի մասնակցությամբ։

Հավելենք, որ միջոցառումներին ներկա են եղել բազմաթիվ հյուրեր, պաշտոնատար անձինք, այդ թվում՝ ԿԳՄՍ նախարար Ժաննա Անդրեասյանը։

ԵՊՀ ռեկտոր Հովհաննես Հովհաննիսյան
ԵՊՀ ռեկտոր Հովհաննես Հովհաննիսյան
ԵՊՀ «ԲանՈՒԳործ» էքսպո
ԵՊՀ «ԲանՈՒԳործ» էքսպո
Ժաննա Անդրեասյան
Ժաննա Անդրեասյան
«ԲանՈՒԳործ» էքսպոն ԵՊՀ-ում
«ԲանՈՒԳործ» էքսպոն ԵՊՀ-ում