11 տարի անց՝ 2020 թվականի ապրիլի 17-ին, ՀՀ Կրթության, գիտության, մշակույթի և սպորտի նախարար Արայիկ Հարությունյանը որոշում է կայացրել Հայաստանի պատմության մեջ առաջին անգամ ավագ դպրոցում «ֆուտբոլ» մարզաձևի մարզական հոսք ձևավորելու մասին։
ՀՖՖ Գեղարքունիքի մարզի ներկայացուցիչ Դավիթ Դավթյանի, Վարդենիսի՝ Հ. Համբարձումյանի անվան ավագ դպրոցի ղեկավար անձնակազմի և Հայաստանի Ֆիզիկական կուլտուրայի և սպորտի պետական ինստիտուտի գիտաշխատողների համատեղ ջանքերով իրականություն է դարձել մի նախագիծ, որը կարող է նախադեպ հանդիսանալ հանրակրթական դպրոցներում ֆուտբոլը նոր մակարդակի բարձրացնելու համար:
Ծրագիրը կգործարկվի 2020-ի սեպտեմբերին։ Ֆուտբոլի խմբում կարող է լինել նվազագույնը 13, առավելագույնը՝ 16 աշակերտ։ Ֆուտբոլ մարզաձևով հետաքրքրված աղջիկները նույնպես կարող են միանալ հոսքին։
Ավագ դպրոցում ֆուտբոլի դասավանդումը կարող է նպաստավոր լինել ապագայում ինչպես ֆուտբոլիստ, այնպես էլ մարզիչ կամ մրցավար դառնալու համար։
Comment here
Դուք պետք է մուտք գործեք՝ մեկնաբանությունը ուղարկելու համար։