Մյունխենի «Բավարիա»-ն՝ Չեմպիոնների լիգայի հաղթող

Պորտուգալիայի մայրաքաղաք Լիսաբոնում ավարտվեց Չեմպիոնների լիգայի եզրափակիչ հանդիպումը Ֆրանսիայի չեմպիոն Փարիզի ՊՍԺ-ի ու Գերմանիայի չեմպիոն Մյունխենի «Բավարիա»-ի միջեւ։

Հանդիպումն ավարտվեց «Բավարիա»-ի հաղթանակով՝ 1-0։ Միակ գոլը 59-րդ րոպեին խփեց «Բավարիա»-ի ֆրանսիացի կիսապաշտպան Քինգսլի Կումանը։

ՊՍԺ-ն առաջին անգամ էր հանդես գալիս Չեմպիոնների լիգայի եզրափակիչում, «Բավարիան»՝ 11-րդ անգամ։ 11 հանդիպումից 6-ում գերմանական ակումբը հաղթանակ է տոնել։