Ճանաչողական այցի շրջանակում Ազգային ժողովում հյուրընկալվել են Համազգային ուսանողական ֆորումի մասնակիցները:
Նրանց հետ հանդիպել են ՀՀ ԱԺ «Հայաստան» խմբակցության պատգամավորներ Գեղամ Մանուկյանը, Արթուր Խաչատրյանը եւ Քրիստինե Վարդանյանը։
Այցի ընթացքում հյուրերը եղել են խորհրդարանի թանգարանում, գրադարանում, ԱԺ նիստերի դահլիճում։
Տեղեկացնենք, որ Համազգային հայ կրթական և մշակութային միության համահայկական ուսանողական ֆորումը մեկնարկել է հուլիսի 13-ին, կշարունակվի մինչև հուլիսի 24-ը։
Սփյուռքի 7 գաղթօջախներից ֆորումին մասնակցություն են բերել 20 հայ ուսանող երիտասարդներ։
