Այսօր ԱԺ ընդդիմադիր «Հայաստան դաշինք» ու «Պատիվ ունեմ» խմբակցությունները ՀՀ վարչապետի բրյուսելյան այցից առաջ «Հանուն Հայաստանի և Արցախի» կարգախոսով հանրահավաք էին կազմակերպել Երևանի Ազատության հրապարակում։
Հանրահավաքի մասնակիցներն ընդունեցին հայտարարություն։ Հավաքի ավարտին ցուցարարները մոտ մեկ ժամով փակեցին Ֆրանսիական հրապարակի մուտքերը և այնտեղ Արցախի դրոշը բարձրացրին։
ԱԺ ընդդիմադիր խմբակցությունները կարծում են, որ երկիրը կանգնած է ինքնիշխանությունը կորցնելու շեմին, իսկ ներկայիս իշխանություններն ի վիճակի չեն պաշտպանել Հայաստանն ու Արցախը։
Նշենք, որ ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը ապրիլի 6-ին հանդիպելու են Բրյուսելում։ Նիկոլ Փաշինյանն արդեն մեկնել է Բրյուսել։
