Բուհերի հեռակա ուսուցման ընդունելության կենտրոնացված քննությունների համար, մայրաքաղաքից բացի, քննական կենտրոններ են ձևավորվելու Շիրակում, Լոռիում, Տավուշում, Գեղարքունիքում և Սյունիքում: Տեղեկությունը հայտնում է ԳԹԿ մամուլի քարտուղար Խաչանուշ Գրիգորյանը։
Մարզերի դիմորդները քննությունները հանձնելու են իրենց մարզերում: Երևանի քննական կենտրոններում, մայրաքաղաքի դիմորդներից բացի, քննություն են հանձնելու Արարատի, Արմավիրի, Կոտայքի, Արագածոտնի և Վայոց Ձորի մարզերի դիմորդները:
Հիշեցնենք՝ բուհերի հեռակա ուսուցման ընդունելության քննությունների համար կարելի է հայտագրվել ԳԹԿ «dimord.am» կայքում՝ սեպտեմբերի 5-ից մինչև սեպտեմբերի 25-ը՝ ժամը 18:00-ն։
Քննությունները կանցկացվեն հոկտեմբերի 20-27-ը:
Բուհ ընդունված դիմորդների ցուցակները կհաստատվեն մինչև հոկտեմբերի 30-ը: