ԳլխավորԼուր

ՀՊՏՀ-ում հնչած հայտարարությունը չի արտահայտում բուհի կարծիքը

ՀՊՏՀ, տնտեսագիտական համալսարան

Հայաստանի պետական տնտեսագիտական համալսարանում այսօր կայացած ուսանողական միջոցառման ժամանակ հնչած հայտարարությունը չի կարող հանդիսանալ ՀՊՏՀ կամ նրա ուսանողության կարծիքը, հայտնում են բուհի լրատավական ծառայությունից:

«Ցանկանում ենք ևս մեկ անգամ ընդգծել, որ Հայաստանի պետական տնտեսագիտական համալսարանն ապաքաղաքական կրթական հաստատություն է և զբաղվում է իր առաքելության, այն է` համալսարանական կրթական ծառայության մատուցմամբ, իր նախանշած զարգացման ծրագրերի իրագործմամբ, որոնք տալիս են գոհացուցիչ արդյունքներ:

Ցավալի է, որ նման դեպքերն անարդարացիորեն վնասում են բուհի վարկանիշը, ուստի մենք խստորեն զգուշացնում ենք զերծ մնալ այսօրինակ դրսևորումներից»,-նշված է հաղորդագրության մեջ:

Հիշեցնենք, որ այսօր ՀՊՏՀ դահլիճ էր մտել մի ուսանողուհի՝ Արցախի դրոշով ու բեմից հայտարարել, որ «առանց Նիկոլ Հայաստան լինելու է»։