ԵՊՀ թիմերը գրանցել են հիանալի արդյունքներ «ICPC» մրցույթի հայաստանյան քառորդ եզրափակիչում, հայտնում են Մայր բուհից։
«Good Knight» թիմը (անդամներ՝ Սամվել Անդրեասյան, Ռոբերտ Քոչարյան, Համլետ Պետրոսյան, մարզիչ՝ Արմեն Անդրեասյան) զբաղեցրել է առաջին հորիզոնականը՝ լուծելով առաջադրված 13 խնդիրներից 10-ը։
ԵՊՀ «Very Serious Round», «Improvis» և «Binary Bullets» թիմերը, լուծելով վեցական խնդիրներ, զբաղեցրել են երկրորդ, երրորդ և չորրորդ տեղերը։
Գրանցած այս հաջողություններով համալսարանականները նվաճել են կիսաեզրափակիչ փուլի ուղեգիր և կշարունակեն մրցապայքարը Թբիլիսիում՝ պայքարելով արդեն միջազգային ասպարեզում։
