Արագածոտնի մարզի Նիգավան գյուղի վարչական տարածքում տեղի ունեցած վիճաբանության եւ կրակոցների հետեւանքով եւս մեկ քաղաքացի է մահացել: Այս մասին հայտնում է Shamshyan.com-ը:
Ոստիկանությունն ու քննչական վարչությունը պարզում են մահացածի և վիրավորների ինքնությունը:
Ավելի վաղ լրատվամիջոցները հայտնել էին, որ կրակոցներ և սպանություն է տեղի ունեցել Արագածոտնի մարզում: Ժամը 20:30-ի սահմաններում, «Ապարան» բժշկական կենտրոնից ոստիկանության Ապարանի բաժին ահազանգ է ստացվել, որ տարբեր աստիճանի մարմնական վնասվածքներով, այդ թվում՝ հրազենային, իրենց մոտ են տեղափոխվել 7 քաղաքացի, նրանցից մեկը մահացել է:
Դեպքը տեղի է ունեցել Ապարանի Նիգավան միջնահատվածում, նախնական տվյալներով՝ պատճառ է հանդիսացել գործող վարչապետին հայհոյելը։
Ոստիկանությունից, սակայն, տեղեկացրել են, որ միջադեպը քաղաքական ենթատեքստ չի պարունակում, ավելին՝ պատճառը կենցաղային է՝ խոստանալով մանրամասներ հայտնել ավելի ուշ։
Մահացածներից մեկը ԱԱԾ աշխատակից էր։