Հայկական պետական մանկավարժական համալսարանը բաց նամակ է հղել Երևանի քաղաքապետարանին և Beeline Armenia-ին։
«Հարգելի Երևանի քաղաքապետարան / Yerevan Municipality և Beeline Armenia, տևական ժամանակ է բուհի հարակից տարածքում (Տիգրան Մեծի 17 հասցե) գտնվող հեռախոսակապի բաժանման հին տուփը փոխարինվել է նորով:
Բուհը բազմիցս դիմել է պատկան մարմիններին, սակայն մինչ օրս քայլեր չեն ձեռնարկվել հին տուփն ապամոնտաժելու ուղղությամբ:
Այն ոչ միայն խանգարում է անցորդների տեղաշարժին, այլև վերածվել է աղբանոցի, անշուք տեսք է հաղորդում բուհին և հարակից տարածքին, ի վերջո, այն գտնվում է դեպի Հանրապետության հրապարակ տանող գլխավոր փողոցներից մեկում:
Կրկին դիմում ենք խնդիրն արագ վերացնելու նպատակով՝ հույս հայտնելով, որ հրապարակային այս դիմումը անպատասխան չի մնա»,-նշված է բուհի ֆեյսբուքյան գրառման մեջ:
Comment here
Դուք պետք է մուտք գործեք՝ մեկնաբանությունը ուղարկելու համար։