Զինված տղամարդիկ մտել են Նոր Նորքի ոստիկանության շենք։ Համապատասխան տեսանյութը տարածել է ֆեյսբուքյան օգտատեր Արմինե Մելքոնյանը։ Տեսանյութում լսվում է պայթյունի կամ կրակոցի ձայն։
Armlur.am-ն էլ գրում է, որ Մարտական եղբայրության անդամները ոստիկանության բաժնում նռնակ են պայթեցրել։
Ըստ նախնական տեղեկությունների՝ կան վիրավորներ։
***
Ժ. 18.49- Ոստիկանությունից հայտնեցին, որ այսօր՝ ժամը 17.00-ի սահմաններում, 3 քաղաքացի զինված փորձել են ներխուժել ՆԳՆ ոստիկանության Նոր Նորքի բաժնի վարչական շենք, գործադրել են նռնակ, ինչի հետևանքով ներխուժող անձանցից 2 հոգի վիրավորվել են և տեղափոխվել բուժհաստատություն։
Մեկ հոգի այս պահին զինված շարունակում է մնալ ոստիկանության բաժնի դիմաց: Ձեռնարկվում են համապատասխան աշխատանքներ՝ նրան վնասազերծելու համար:
Ժ. 19.20. ԱԱԾ աշխատակիցները վնասազերծեցին զինված քաղաքացուն։
