Նոյեմբերի 19-ին Երևանում անցկացվեց Եվրասիական միջկառավարական խորհրդի ընդլայնված կազմով նիստը։ Sputnik Արմենիան հայտնում է, որ Ռուսաստանի վարչապետ Միխայիլ Միշուստինը աշխատանքի ամենաթեժ պահին որոշեց զրուցել ֆոտոլրագրողների հետ։
— Ձեր մատները չե՞ն հոգնել այդքան նկարելուց,– հարցրեց նա։
Լուսանկարիչները կարծեցին, թե խանգարում են, ու որոշեցին հեռանալ, բայց վարչապետը կանգնեցրեց նրանց:
— Ո՛չ, ո՛չ։ Չմտածեք, թե ասում եմ` գնացեք այստեղից։
Մի քանի վայրկյան անց, երբ ֆոտոթղթակիցներն ավարտեցին իրենց գործն ու սկսեցին հեռանալ, Ռուսաստանի վարչապետը հայերեն դիմեց Sputnik Արմենիայի լուսանկարիչ Ասատուր Եսայանցին։
— Հա՞յ ես:
— Այո:
Միշուստինը ժպտաց և շարունակեց աշխատանքը։ Լուսանկարիչը զարմացավ, բայց ահա այսպիսի դրական կադր ստացվեց։
Comment here
Դուք պետք է մուտք գործեք՝ մեկնաբանությունը ուղարկելու համար։