Պարի միջազգային օրվան նվիրված միջոցառումների շարքը շարունակվեց Հանրապետության հրապարակում, հայտնում են ԵԹԿՊԻ-ից:
Երևանի թատրոնի և կինոյի պետական ինստիտուտի աջակցությամբ և նույն բուհի Խորեոգրաֆիայի ամբիոնի դասախոս Արթուր Հարությունյանի նախաձեռնությամբ Հանրապետության հրապարակում կայացավ «Պարի տոնն ազգային ոգով» խորագրով մշակույթային ծրագիրը՝ մայրաքաղաքի և մարզային երաժշտական դպրոցների դհոլահարների, ավանդական համույթների, պետական անսամբլների և այլ պարային խմբերի մասնակցությամբ։
Ավելի վաղ պարային ֆլեշմոբ էր անցկացվել ԵԹԿՊԻ-ի մոտ՝ նվիրված Գագիկ Գինոսյանի հիշատակին։
![Պատանի դհոլահարները Հանրապետության հրապարակում](https://www.usanogh.am/wp-content/uploads/2024/04/dhol0222.jpg)