Ներկայացվել է Փարիզի Օլիմպիական խաղերի երգը ամերիկացի երգիչներ Գվեն Ստեֆանիի եւ Անդերսոն Պաակի կատարմամբ։ Այն կոչվում է Hello World։
Փարիզի Խաղերի բացման արարողությունը տեղի կունենա հուլիսի 26-ին, սկիզբը՝ Երեւանի ժամանակով 21:30-ին։
Առաջին անգամ Խաղերի բացումը չի անցկացվի մարզադաշտում. մարզիկների շքերթը կանցնի նավակներով Սեն գետում։
Բացի Փարիզից՝ օլիմպիական մրցումները կանցկացվեն նաեւ երկրի 16 այլ քաղաքներում ու Թաիթիում՝ Ֆրանսիական Պոլինեզիայի կղզում, որը գտնվում է Խաղաղ օվկիանոսում:
Ընդհանուր առմամբ, Փարիզի խաղերում ներկայացված է 32 մարզաձև, որոնցում խաղարկվելու է մրցանակների 329 հավաքածու, մասնակից երկրների թիվը 206 է։
Խաղերի թալիսմանը գլխարկի մի տեսակ է, որին Ֆրիգի անվանումն են տվել. Այն Ֆրանսիայի Հանրապետության խորհրդանիշն է և խորհրդանշում է ազատությունը։
Հիշեցնենք՝ Փարիզի օլիմպիական խաղերում Հայաստանը ունի 15 ներկայացուցիչ։
