Պուտինը Ալիեւի հետ քննարկել է հայ-ադրբեջանական սահմանի հուլիսյան դեպքերը

Ադրբեջանական կողմի նախաձեռնությամբ այսօր տեղի է ունեցել ՌԴ նախագահ Վլադիմիր Պուտինի եւ Ադրբեջանի նախագահ Իլհամ Ալիեւի հեռախոսազրույցը, տեղեկացնում են Կրեմլի մամուլի ծառայությունից։

Կողմերը քննարկել են տարածաշրջանային հարցեր՝ հուլիսին հայ-ադրբեջանական պետական սահմանին իրավիճակի սրացման համատեքստում։ Ռուսական կողմն ընդգծել է ցանկացած քայլերի անթույլատրելիությունը, որոնք կարող են սրել իրավիճակը։

Ադրբեջանի նախագահը նաեւ շնորհավորել է Պուտինին՝ կորոնավիրուսի դեմ պատվաստանյութի գրանցման առիթով։

Կողմերը վերահաստատել են փոխադարձ տրամադրվածությունը՝ բոլոր բնագավառներում ռուս-ադրբեջանական համագործակցության հետագա ամրապնդման վերաբերյալ։