Լեհաստանի մայրաքաղաք Վարշավայում անցկացվող շախմատի կայծակնային խաղի աշխարհի առաջնության 14-րդ տուրում Հայաստանի ներկայացուցիչ Հայկ Մ. Մարտիրոսյանը սպիտակ ֆիգուրներով ոչ–ոքի խաղաց աշխարհի չեմպիոն Մագնուս Կարլսենի հետ։
Հայկ Մ. Մարտիրոսյանն ու Մագնուս Կարլսենը վաստակել են 10-ական միավոր և բաժանում են 3-8-րդ տեղերը։
Միանձնյա առաջատարը ԱՄՆ-ը ներկայացնող Լևոն Արոնյանն է՝ 11,5 միավոր։ Երկրորդ տեղում ընթացող ռուսաստանցի Դանիիլ Դուբովն ունի 10,5 միավոր։
Առաջնության ավարտին մնացել է 7 տուր։
Կայծակնային շախմատի աշխարհի առաջնության մրցանակային ֆոնդը 1 միլիոն դոլար է:
