Հուլիսի 11-ը Շոկոլադի համաշխարհային օրն է։
Տարածված այն կարծիքը, թե շոկոլադը բարձրացնում է տրամադրությունը, ճիշտ է. այդպիսի ազդեցություն է թողնում շաքարի ու կոֆեինի համադրությունը, «երջանկությունը», սակայն, տեւում է ընդամենը 30 րոպե։
Եվս մի քանի փաստ՝ շոկոլադի մասին։
1. Լայն զանգվածների սպառման համար առաջին շոկոլադը պատրաստվել է 1847թ. Բրիստոլում (Անգլիա) տեղակայված «Ֆրայ» շոկոլադի ֆաբրիկայում։
2. Բելգիայում 17 հազար մարդ զբաղված է շոկոլադի արտադրության մեջ։
3. Շոկոլադի փոքրիկ կտորը կարող է մարդուն այնքան էներգիա տալ, որը կբավարարի 45.5 մետր քայլելու համար։
4. Շոկոլադի պատրաստման առաջին մեքենան ստեղծվել է 1780թ. Բարսելոնայում (Իսպանիա)։
5. Կոտ դ’Իվուարը համարվում է կակաոի արտադրության առաջատարը (37%)։
6. Տեխնիկապես սպիտակ շոկոլադը չի կարելի անվանել շոկոլադ, քանի որ այն չի պարունակում կակաոի նյութեր։
7. Ացտեկները համարում էին, որ կակաոն մարդկանց նվիրել է իմաստնության աստվածը։ Կակաոի սերմերը շատ թանկ էին գնահատվում և կիրառվում էին որպես վճարման միջոց։
8. Շվեյցարիան համարվում է ամենաշատ շոկոլադ օգտագործող երկիրը։
9. Կակաոի կամ շոկոլադի ծառերը ապրում են մինչև 200 տարի, իսկ կակաո-ընկույզներ դրանց վրա աճում են 25 տարվա ընթացքում։
Comment here
Դուք պետք է մուտք գործեք՝ մեկնաբանությունը ուղարկելու համար։