«Ուսանողի» բառարանԳլխավոր

«Ուսանող»-ի բառարան-3

Ուսանող-1.սովորաբար քառամյա կարգավիճակ՝ դպրոցի եւ «մեծական» կյանքի միջեւ

2.այնքան է քննության ժամանակ ասել «եսիմ», «ինչ իմանամ» ու ուսը թոթվել կամ ուսով արել, որ կոչվել է ուսով անող, կրճատ՝ ուսանող

Դասախոս-նրան չի կարելի ասել «Գլխիս լեկցիա մի կարդա», քանի որ դա նրա աշխատանքային պարտականությունն է

Լսարան-առաջին հայացքից՝ լսելու սենյակ, որտեղ սակայն ոչ ոք ոչ մեկին չի լսում, հատկապես՝ դասախոսին

Քննություն-դրանից կտրվելուց արյուն չի գալիս, բայց էլի ցավոտ է

Համալսարան-«ասել-խոսել-ուրախանալու» եւ հանդիպումների տեղ, որի միակ թերությունը քննություններն են

«Լիկվիդ»-արձակուրդները «հարամ անող» դարդ

Գնահատական-դե լա~վ, դու հո դրա մեռած չես

Ստուգարք-քննութուն-light

Դեկան-ֆակուլտետապետ

Կուրսային-բուհամերձ տարածքներում կամ համացանցում վաճառվող «ինքնուրույն աշխատանք»

Ականջակալ-աշխարհից կտրվելու սարք

Բջջային հեռախոս-դրանով նաեւ զանգահարում են

Usanogh.am

Comment here