Համալսարանական հարկի ներքո գործող «Հերացի» ավագ դպրոցը դեպի մեծ կյանք ճանապարհեց 153 շրջանավարտի, հայտնում են ԵՊԲՀ-ից:
Հանդիսության մեկնարկը տրվեց վաղ առավոտյան այն դպրոցի բակում, որտեղ ուսումնառել են շրջանավարտները վերջին երեք տարում:
Ավարտողները շնորհավորական բարեմաղթանքներ գրառեցին շապիկների վրա, հաջորդիվ ավանդական վալս էր «Վերջին զանգ»-ի առիթով, որից հետո շրջանավարտները դասարաններում մասնակցեցին «Վերջին դաս»-ին, որը վարում էին ուսուցիչները:
«Միասնական շղթա» ֆլեշ մոբի ընթացքում բոլոր շրջանավարտները կազմելով մեկ միասնական շղթա իջան բակ:
Դասղեկների հետ «Իմ երեք տարիները դպրոցում…» խորագրով դաս-քննարկումով, օրհնության ծիսակարգով եզրափակվեցին տոնական միջոցառումները:
Հանրակրթական այս հաստատության շուրջ 100 շրջանավարտ Երևանի Մխիթար Հերացու անվան պետական բժշկական համալսարանի դիմորդ է։
