Հայաստանի բասկետբոլի մինչև 16 տարեկանների հավաքականը շարունակում է հաղթարշավը ՖԻԲԱ Եվրոպայի մինչև 16 տարեկանների C դիվիզիոնի առաջնությունում՝ խմբային փուլի վերջին խաղում 110:78 հաշվով վստահ հաղթանակ տանելով Մոնակոյի հավաքականի նկատմամբ։
Այս մասին հայտնում են Հայաստանի բասկետբոլի ֆեդերացիայից: Հայաստանի ընտրանին խմբային փուլն ավարտեց երեք անընդմեջ հաղթանակով, անպարտելի ցուցանիշով գրավեց առաջին տեղը և նվաճեց մրցաշարի կիսաեզրափակչի ուղեգիրը։
Հանդիպման ամենաարդյունավետ խաղացող (MVP) ճանաչվեց Էթան Կազանչյանը, որը վաստակեց 33 միավոր, կատարեց 3 ռեբաունդ և ունեցավ 8 արդյունավետ փոխանցում:
Հայաստանի հավաքականը կիսաեզրափակչում հուլիսի 11-ին կմրցի Մոլդովայի հավաքականի հետ։
Հիշեցնենք, որ խմբային փուլի առաջին խաղում Հայաստանի հավաքականը 98:62 հաշվով հաղթանակ էր տարել Անդորրայի, երկրորդ խաղում 109:56 հաշվով՝ Ջիբրալթարի, երրորդ խաղում 97:90 հաշվով՝ Մալթայի հավաքականի նկատմամբ։
Մեր տելեգրամյան ալիքը՝ t.me/usanoghnews
