Նախատեսվո՞ւմ են, արդյոք, ֆինանսական փոխհատուցումներ կատարել բուհերին, քանի որ արտակարգ դրության պայմաններում բուհերը ֆինանսական դժվարությունների առջեւ են կանգնում, եւ շրջանառվում են լուրեր, որ ապրիլ-մայիսին որոշ բուհերում դասախոսներն աշխատավարձերի հետ կապված խնդիրներ կունենան։
ԱԺ-ում կառավարության հետ հարցուպատասխանի ժամանակ «Բարգավաճ Հայաստան» խմբակցության պատգամավոր Շաքե Իսայանի հնչեցրած հարցին ի պատասխան՝ ԿԳՄՍ նախարար Արայիկ Հարությունյանը նշեց, որ իսկապես շատ բուհերում քանի որ առաջին կիսամյակի ուսման վարձերը վճարվել են 20-25, մինչեւ 40 տոկոսի չափով, որոշակի դժվարություններ կարող են առաջանալ, ու այդ համատեքստում կառավարությունը բուհերին և ուսանողներին աջակցելու համար մի շարք քայլեր է դիտարկում։
Նա տեղեկացրեց նաեւ, որ այդ եւ կրթության ոլորտի այլ հարցեր են այսօր քննարկվել կառավարությունում տեղի ունեցած խորհրդակցության ժամանակ։
Comment here
Դուք պետք է մուտք գործեք՝ մեկնաբանությունը ուղարկելու համար։