Բժշկական մայր բուհի պատմության մեջ բազմաթիվ են դեպքերը, երբ ապագա բժիշկները բացի մարդկային կյանքեր փրկելու առաքելության երդումը, խոստացել են նաև հավերժ սիրել: Այդպես եղավ նաև ԵՊԲՀ ընդհանուր բժշկության ֆակուլտետի 6-րդ կուրսի ուսանողներ Արման Մարգարյանի և Վարդուհի Հարությունյանի պարագայում, ֆեյսբուքյան էջում գրել է ԵՊԲՀ ռեկտոր Արմեն Մուրադյանը:
«Երիտասարդները համակուրսեցիներ են: Նրանց սիրո պատմությունը սկսվել է 4-րդ կուրսում, երբ միասին մասնակցում էին ռևմոտոլոգիայի ցիկլին: Ընկերացան, շփվեցին և հասկացան՝ ընդհանրություններ ունեն՝ թե՛ Արմանը, թե՛ Վարդուհին ապագա վիրաբույժներ են: Բժշկական աշխարհը միավորել է նրանց ճակատագրերը, ուստի, սպիտակ խալաթը կուղեկցի նրանց ամբողջ կյանքի ընթացքում:
Հաջողություններ ենք մաղթում Արմանին և Վարդուհուն՝ բուհական, մասնագիտական և անձնական կյանքում»,-մաղթել է ռեկտորը։
Մեր տելեգրամյան ալիքը՝ t.me/usanoghnews
