Ֆուտբոլի միջազգային ֆեդերացիան «Թվիթերի» միկրոբլոգում անդրադարձել է Հայաստանի ազգային թիմի՝ Աշխարհի առաջնության որակավորման փուլում երկրորդ անընդմեջ հաղթանակին:
«Հայաստանի ընտրանին շոկի ենթարկեց խմբի ֆավորիտներին` երկու հաղթանակ տոնելով ԱԱ-ի որակավորման փուլի մեկնարկում»,-գրել է ՖԻՖԱ-ի թվիթերյան էջը:
Աշխարհի առաջնության պաշտոնական էջն էլ ընդգծել է, որ Հայաստանի ընտրանին նոր ռեկորդ է սահմանել ԱԱ ընտրական փուլի առաջին երկու տուրերում հաղթելու շնորհիվ:
Հիշեցնենք, որ որակավորման փուլի առաջին հանդիպման ժամանակ մեր հավաքականը հաղթեց Լիխտենշտեյնի, երկրորդ հանդիպման ժամանակ՝ Իսլանդիայի հավաքականներին։
Հաջորդ հանդիպումը կկայանա մարտի 31-ին՝ Երեւանում. Հայաստանը կհյուրընկալի Ռումինիային։
Comment here
Դուք պետք է մուտք գործեք՝ մեկնաբանությունը ուղարկելու համար։