Դեկտեմբերի 13-ին ոստիկանության օպերատիվ կառավարման կենտրոնից Արաբկիրի բաժին հաղորդում է ստացվել, որ Երևանի Գրիբոյեդովի փողոցի մի խանութից գողացել են աշխատակցի բջջային հեռախոսը, հայտնում են ՀՀ ոստիկանությունից։
Նշված առևտրի կենտրոն մեկնած օպերատիվ խումբը պարզել է, որ անհայտ անձը սեղանի վրայից գողացել է 18-ամյա տուժողի «Այֆոնը»:
Ոստիկանության Արաբկիրի բաժնի քրեական հետախույզները ձեռնարկած միջոցառումների արդյունքում դեկտեմբերի 14-ին 79-ամյա կինը հայտնաբերվել է, ձերբակալվել և ներկայացվել քննչական բաժին: Գողոնը հայտնաբերվել է:
Կատարվում է նախաքննություն:
