ԳլխավորԼուր

Գյումրիում ներկայացվել է «Մարդուկ-Ջարդուկը» բալետը

Բալետ

ՀՀ ԿԳՄՍ նախարարության աջակցությամբ Ա. Սպենդիարյանի անվան օպերայի և բալետի ազգային ակադեմիական թատրոնը փետրվարի 21-22-ը հյուրախաղերով հանդես է եկել Գյումրիի Վ. Աճեմյանի անվան պետական դրամատիկական թատրոնում: Մարզային ծրագրերի շրջանակում թատրոնը ներկայացրել է Պյոտր Չայկովսկու «Մարդուկ-Ջարդուկը» երկու գործողությամբ բալետային ներկայացումը:

Ներկայացման բեմադրող բալետմայստեր` Գեորգի Կովտուն, բեմադրության և զգեստների նկարիչ՝ Վյաչեսլավ Օկունև, ներկայացման երաժշտական ղեկավար և դիրիժոր` Կարեն Դուրգարյան (ՀՀ վաստակավոր արտիստ):

Կարևորելով մարզերի ներգրավվածությունը մշակութային կյանքում և մատաղ սերնդի գեղարվեստական դաստիարակության գործոնը` թատրոնի նախաձեռնությամբ փետրվարի 22-ի ներկայացմանը հրավիրվել են տեղի մշակութային կենտրոնների և դպրոցների սաները: