Հունվարի 25-ին մեկնարկել են 2025/2026 ուստարվա բուհերի ընդունելության առաջին փուլի (ձմեռային) միասնական քննությունները։
Փետրվարի 9-ը միասնական քննությունների վերջին օրն է։
«Կենսաբանություն» ու «Հայոց պատմություն» առարկաներից քննություն է անցկացվելու 25 քննական կենտրոնում, որից 8-ը Երևանում է, 17-ը՝ մարզերում, հայտնում է ԳԹԿ մամուլի քարտուղար Խաչանուշ Գրիգորյանը։
«Կենսաբանություն» հանձնելու համար հայտագրվել է 1478 դիմորդ (Երևանում՝ 592, մարզերում՝ 886)։
«Հայոց պատմություն» հանձնելու համար հայտագրվել է 1236 դիմորդ (Երևանում՝ 390, մարզերում՝ 846)։
Քննության գնահատականները հայտնի դառնան 3-րդ օրը, իսկ մինչ այդ, քննական օրվա երկրորդ կեսին, Գնահատման և թեստավորման կենտրոնը կհրապարակի թեստերն ու ճիշտ պատասխանները:
Բողոքարկումը քննության 4-րդ օրն է լինելու: Մինչև ժ. 18.00-ն քննության արդյունքը վիճարկող դիմումները կարելի է գրել այն քննական կենտրոնում, որտեղ հանձնել եք տվյալ առարկան, կամ ներկայացնել առցանց:
Մեր տելեգրամյան ալիքը՝ t.me/usanoghnews
