Միլանի «Ինտերի» կիսապաշտպան, Հայաստանի հավաքականի նախկին ավագ Հենրիկ Մխիթարյանը իր ստորագրությամբ մարզաշապիկ է նվիրել Հռոմի Ֆրանցիսկոս պապին։ Այս մասին գրում է «Վատիկան Նյուզը»։
Հռոմի Օլիմպիական մարզադաշտում այսօր պետք է մեկնարկի ֆուտբոլային Խաղաղության մրցաշարը, որի կարգախոսն է. «Մենք խաղում ենք հանուն խաղաղության»։
Մրցաշարը կազմակերպվում է Վատիկանի կողմից արդեն երրորդ տարին անընդմեջ։
Այս տարի մրցաշարին կմասնակցեն բազմաթիվ նշանավոր ֆուտբոլիստներ։ Նախքան մեկնարկը նրանց ընդունել է Հռոմի պապը։
Նրանց հնարավորություն է տրվել նվերներ մատուցել կաթոլիկ քահանայապետին։
Լուսանկարը՝ «Վատիկան Նյուզի»։
