Ազգային ժողովի «Բարգավաճ Հայաստան» խմբակցությունը դեմ կքվեարկի «Բարձրագույն կրթության և գիտության մասին» և 22 այլ օրենքներում լրացումներ և փոփոխություններ նախատեսող օրինագծերի փաթեթին: Այս մասին խորհրդարանի փետրվարի 10-ի նիստի ընթացքում ասաց խմբակցության անդամ Նաիրա Զոհրաբյանը:
«Օրենքի նախագծով՝ բուհերի կառավարման խորհուրդը կազմված է լինելու 9 անդամից, որոնցից հինգին նշանակում է կառավարությունը, լիազոր մարմինը: Ուզում եք, որ մենք հավատա՞նք, որ հինգ անդամները լինելու են անաչառ և ռեկտորի ընտրության ժամանակ չեն կատարելու քաղաքական պատվեր»,- ասաց Զոհրաբյանը:
Նաիրա Զոհրաբյանը նշեց, որ «Բարգավաճ Հայաստան»-ը դեմ է քվեարկելու օրինագծերի փաթեթին:
Հիշեցնենք, որ Բարձրագույն կրթության և գիտության մասին օրենքում նախատեսվող փոփոխություններին դեմ են արտահայտվել բազմաթիվ բուհեր, այդ թվում՝ Երեւանի պետական համալսարանը։
Comment here
Դուք պետք է մուտք գործեք՝ մեկնաբանությունը ուղարկելու համար։