ՀՀ կառավարության, «Մանուկյան Սիմոն հիմնադրամի» և Հայաստանի ամերիկյան համալսարանի համագործակցությամբ ստեղծված «Մանուկյան Սիմոն հետազոտական հիմնադրամը» սկսել է ուսանողների և հետազոտողների համար 2021 թվականի հետազոտական թեմաների հայտերի ընդունման գործընթացը, տեղեկացնում են ԿԳՄՍՆ-ից։
Մրցույթի հաղթողն ընտրվում է մրցակցային գործընթացի միջոցով, որի ժամանակ դիմորդները գնահատվում են՝ ըստ հետազոտության որակի, իրենց ներկայացրած հայտի մեթոդաբանության, հետազոտության համար պահանջվող գումարի, համապատասխան մասնագիտական փորձառության։
Հետազոտությունների տեխնիկական առաջադրանքին և հայտերի ընդունման գործընթացին առավել մանրամասն կարելի է ծանոթանալ հետևյալ հղումներով՝
• ուսանողների համար՝ https://msrf.aua.am/students/
• հետազոտողների համար՝ https://msrf.aua.am/researchers/
Հավելենք, որ ուսանողների հայտերի ընդունման վերջնաժամկետն է ս.թ. մարտի 10-ը, իսկ հետազոտողներինը՝ մարտի 19-ը:
Comment here
Դուք պետք է մուտք գործեք՝ մեկնաբանությունը ուղարկելու համար։