Երևանի պետական համալսարանի Մշակույթի կենտրոնի մեներգչուհի Մարիցա Թիլիքյանը հաղթել է Լիտվայում հուլիսի 2-4-ն անցկացված «Baltic Voice 2021» միջազգային մանկական և երիտասարդական մրցույթում և ստացել ոսկե «Grand Prix» մրցանակը, տեղեկանում ենք ԵՊՀ կայքից։
«Երգն ուժ է, որը միավորում է ժողովուրդներին՝ հատելով բոլոր սահմանները» խորագրով անցկացված «Baltic Voice 2021»-ին մասնակցել է ավելի քան 15 երկրի 120 մասնակից:
Մարիցա Թիլիքյանը, որը ԵՊՀ ինֆորմատիկայի և կիրառական մաթեմատիկայի ֆակուլտետի շրջանավարտ է, մրցույթում ներկայացրել է համաշխարհային հիթ հանդիսացող երգ և Շուշան Սարգսյանի «Հայաստան, երկիր իմ մայր» երգը։
Երգի ընթացքում կադրերով ցուցադրվել են Շուշիի Ս. Ամենափրկիչ Ղազանչեցոց եկեղեցին, Դադիվանքը, Սևանա լիճը և այլն:
Մարիցայի համար էլ բեմադրության ամենատպավորիչ հատվածներից մեկն այն է եղել, երբ երգի կուլմինացիայի ժամանակ հանել է Հայաստանի՝ հագուստի մեջ թաքցրած դրոշն ու սկսել ծածանել։
Comment here
Դուք պետք է մուտք գործեք՝ մեկնաբանությունը ուղարկելու համար։