Նիգերիայի հյուսիս-արևմուտքում՝ Զամֆարա նահանգում զինված խմբավորման անդամները հարձակվել և առևանգել են դպրոցում գտնվող ավելի քան 100 աշակերտների ու մի քանի ուսուցիչների: «Արմենպրես»-ի փոխանցմամբ, այս մասին հայտնում է ՏԱՍՍ-ը:
Նահանգապետը հրահանգել է միառժամանակ փակել բոլոր տարրական ու միջնակարգ դպրոցները, 13 շրջաններում երեկոյան ու գիշերվա ժամերին տեղաշարժման սահմանափակումներ են մտցված:
Նիգերիայում վերջին շրջանում հաճախակիացել են հարձակումները դպրոցների ու համալսարանների վրա, որտեղից աշակերտներին ու ուսանողներին առևանգելով՝ հանցագործները փոխհատուցում են պահանջում:
Ընթացիկ տարվա սկզբից երկրի տարբեր հատվածներից առևանգվել է ավելի քան 1000 մարդ:
Comment here
Դուք պետք է մուտք գործեք՝ մեկնաբանությունը ուղարկելու համար։