Չինական Fourier Intelligence ընկերությունը հուլիսի վերջին Շանհայում կայացած Արհեստական բանականության համաշխարհային համաժողովում (WAIC) ներկայացրել է GR-1 մարդանման ռոբոտը։ Այս մասին հայտնում է Kommersant .ru -ն։
Ընկերությունը նախատեսում է սկսել ռոբոտի զանգվածային արտադրությունը մինչև 2023 թվականի վերջը և մինչև 2024 թվականը շուկա հանել «հազարավոր միավորներ»։ Այս մասին հայտնում է հոնկոնգյան Southern China Morning Post (SCMP) թերթը։
GR-1 մարդանման ռոբոտն ունակ է շարժվել 5 կմ/ժ արագությամբ և կրել մինչև 50 կգ բեռ։ Այն մշակվում է 2019 թվականից։ 2022 թվականին մշակողները կարողացան ռոբոտին դնել 2 ոտքերի վրա և ստիպել նրան քայլել։
«Երբ մենք առաջին անգամ տեսանք նրան կանգնած, արձակված և ինքնուրույն քայլելիս, դա ոգեշնչեց մեր բոլոր ինժեներներին: Դա նման էր նորածին երեխա մեծացնելուն»,- SCMP-ին ասել էFourier-ի հիմնադիր և գործադիր տնօրեն Ալեքս Գուն:
Նրա խոսքով՝ Fourier Intelligence-ի մարդանման ռոբոտները կարող են օգտագործվել ծերերին խնամելու, կրթական նպատակներով և հյուրեր ընդունելու համար։
SCMP-ի հետ զրույցում փորձագետները նշել են, որ մարդանման ռոբոտներ մշակող ընկերությունները դժվարությունների են հանդիպում սպառողական շուկայում դրանք իրացնելու հարցում: Նման ռոբոտները կարող են արժենալ միլիոնավոր յուաններ և հիմնականում օգտագործվում են լաբորատորիաներում։
