Ցյուրիխի շվեյցարական դաշնային տեխնոլոգիական ինստիտուտ

Ցյուրիխի շվեյցարական դաշնային տեխնոլոգիական ինստիտուտը հիմնադրվել է 1855-ի հոկտեմբերի 16-ին։ Այն ոչ միայն Շվեյցարիայի, այլեւ Եվրոպայի ու աշխարհի լավագույն բուհերից է, Եվրոպայի լավագույն տեխնիկական կրթություն տվող հաստատությունը, որի շրջանավարտներից ու դասախոսներից 21-ն արժանացել են Նոբելյան մրցանակի։ Ամենանշանավորը նրանցից Ալբերտ Էյնշտեյն է։

Ներկայիս անվանումը ստացել է 1911 թվականին։ Ուսանողների թիվը 18600 է։

Ուսումնական տարին բաժանվում է 2 կիսամյակի՝ աշնանային (սեպտեմբերից դեկտեմբերի կես) եւ ամառային (փետրվարի վերջից հունիսի սկիզբ)։

Դասավանդումն իրականացվում է գերմաներեն կամ անգլերեն լեզուներով։

Ուսման վարձը բակալավրիատում եւ մագիստրատուրայում 1 տարվա համար կազմում է 1160 շվեյցարական ֆրանկ (գրեթե նույնքան ԱՄՆ դոլար), դոկտորանտուրայում՝ 1200 շվեյցարական ֆրանկ։

Ցյուրիխի շվեյցարական դաշնային տեխնոլոգիական ինստիտուտն ունի 5 ֆակուլտետ՝ ճարտարագիտական (ինժեներական), բնական գիտությունների եւ մաթեմատիկայի, բնական գիտությունների, մենեջմենթի եւ սոցիալական գիտությունների։

Դիմորդներին ներկայացվող պահանջները.

-ներկայացնել միջնակարգ կրթության ատեստատ եւ հանձնել  ընդունելության կրճատ քննություն մասնագիտական առարկաներից եո գերմաներեն լեզվից կամ

-ներկայացնել միջնակարգ կրթության ատեստատ եւ հանձնել ընդունելության ամբողջական  քննություն 9 առարկաներից,

-մինչեւ հուլիսի 10-ը գրանցվել քննություններ հանձնելու համար,

-եթե ուսումնական դասընթացն անցկացվելու է անգլերեն լեզվով, պահանջվում է անգլերենի հավաստագիր (IELTS, TOEFL եւ այլն),

-ծննդյան վկայականի թարգմանություն՝ նոտարի հաստատմամբ, միջնակարգ կրթության ատեստատի բնօրինակը նոտարի կողմից հաստատված թարգմանությամբ,

-2 լուսանկար (անձնագրի լուսանկարի չափով),

-հաշվառման վճարի (110 շվեյցարական ֆրանկ) եւ ընդունելության քննություններին մասնակցելու վճարի (380 շվեյցարական ֆրանկ) անդորրագրերը։

Կայքը՝ https://ethz.ch