Հարավկորեացի ռեժիսոր Պոն Չժու Հոի «Մակաբույծը» արժանացել է ԱՄՆ կինոակադեմիայի գլխավոր մրցանակի՝ «Օսկարի»՝ ճանաչվելով «Լավագույն ֆիլմ», տեղեկացնում է BBC-ն։
Նույն անվանակարգում ներկայացված էին նաեւ Մարտին Սկորսեզեի «Իռլանդացին», Սեմ Մենդեսի «1917»-ը, Քվենտին Տարանտինոյի «Մի անգամ… Հոլիվուդում», Տոդ Ֆիլիպսի «Ջոկերը» եւ այլն։
«Մակաբույծը» եւս երեք «Օսկար» է ստացել «Լավագույն ռեժիսորական աշխատանք», «Լավագույն ինքնատիպ սցենար» եւ «Լավագույն օտարերկրյա ֆիլմ» անվանակարգերում։
«Լավագույն դերասան» անվանակարգում «Օսկար» է ստացել Խոակին Ֆենիքսը («Ջոկեր»)։
Լավագույն դերասանուհի է ճանաչվել Ռենե Զելվեգերը («Ջուդի»)։
«1917»-ը «Օսկար» է ստացել «Լավագույն օպերատորական աշխատանք» անվանակարգում։
Բրեդ Փիթը լավագույնն է ճանաչվել տղամարդու երկրորդ պլանի դերակատարման համար («Մի անգամ… Հոլիվուդում»)։ Երկրորդ պլանի լավագույն դերասանուհի է ճանաչվել Լորա Դերնը («Ամուսնական պատմություն»)։
Էլթոն Ջոնը եւ Բեռնի Թաուփին «Օսկարի» են արժանացել «Լավագույն ինքնատիպ երգ» անվանակարգում։
ԱՄՆ կինոակադեմիայի 92-րդ մրցանակաբաշխությունն ավանդույթի համաձայն անց է կացվել Հոլիվուդի Dolby Theatre-ում։
Պատմության մեջ երրորդ անգամ եւ երկրորդ տարին անընդմեջ մրցանակաբաշխությունն անցել է առանց հանդիսավարի։
Մրցանակակիրների ամբողջական ցանկը այստեղ։
Comment here
Դուք պետք է մուտք գործեք՝ մեկնաբանությունը ուղարկելու համար։