ԳլխավորԼուր

Մեկնարկում է համաբուհական ուսանողական բանավեճի առաջնության երրորդ մրցաշարը

Մեկնարկում է «Ռեֆորմ» համաբուհական ուսանողական բանավեճի առաջնության երրորդ մրցաշարը նոր ֆորմատով։

Եթե ցանկանում ես զարգացնել առաջնորդային և վերլուծական հմտություններդ, ազդեցիկ և կառուցվածքային դարձնել խոսքդ, ձեռք բերել արդիական գիտելիքներ և հմտություններ, ապա շտապիր միանալ ամենամասշտաբային համաուսանողական բանավեճի առաջնությանը։

Դիմելու վերջնաժամկետը՝ օգոստոսի 5։

Գրանցվել հղումը՝ այստեղ։

Առաջնությանը կարող են մասնակցել ՀՀ բոլոր բարձրագույն և միջին մասնագիտական կրթական հաստատություններում սովորող ուսանողները։

Թիմերը պետք է ձևավորվեն 4 ուսանողներից և կարող են լինել՝

— միևնույն ուսումնական հաստատության տարբեր ֆակուլտետներից և կուրսերից հավաքական թիմեր,

— տարբեր ուսումնական հաստատություններից հավաքական թիմեր:

Մասնակիցները սկզբում անցնելու են երկշաբաթյա որակավորման դասընթացներ, որոնք կիրականացվեն ոլորտի փորձառու, կոմպետենտ մասնագետների կողմից։ Այնուհետև կմեկնարկի մրցութային փուլը:

Ծրագրի շրջանակներում մարզերում բնակվող ուսանողների ճանապարհածախսը փոխհատուցվելու է։

Հաղթող և լավագույն թիմերին սպասվում են մի շարք ժամանցային, կրթական մրցանակներ, ինչպես նաև քաղաքական գործիչների և պետական մարմինների ներկայացուցիչների հետ հետաքրքիր և բուռն բանավեճեր։

«Ռեֆորմ» համաբուհական ուսանողական բանավեճի երկու առաջնություններին մասնակցել են 41 թիմ՝ ավելի քան 240 մասնակից ՀՀ մի շարք բարձրագույն և միջին մասնագիտական կրթական հաստատություններից։ Երկու մրցաշարի շուրջ 50 խաղերի ամփոփումից հետո, մրցաշարի երկրորդ՝ «Երկխոսությունների հարթակ» փուլում, լավագույն 6 թիմերը բանավիճել են ԱԺ պատգամավորների, քաղաքացիական ոլորտի մի շարք առաջատար փորձագետների հետ։

Comment here