ԳլխավորԽոսք

Վոլտեր. աֆորիզմներ

Ներկայացնում ենք 18-րդ դարի ֆրանսիացի խոշորագույն լուսավորիչ-փիլիսոփա, բանաստեղծ, արձակագիր, երգիծաբան, պատմաբան, հրապարակախոս, իրավապաշտպան, վոլտերականություն փիլիսոփայական ուղղության հիմնադիր Վոլտերի (Ֆրանսուա-Մարի Արուե) (21 նոյեմբերի, 1694 — մայիսի 30, 1778) մտքերից։

***

• Սպանությունն անօրինական է, այդ պատճառով բոլոր մարդասպանները արժանի են պատժի։ Եթե, իհարկե, նրանք չեն սպանում հազարներով ու շեփորների հնչյունների ուղեկցությամբ։

• Երջանկությունն ընդամենը երազանք է, ցավը՝ իրականություն։

• Կանանց ողջ ուժը տղամարդկանց թուլությունների մեջ է։

• Քթերը ստեղծված են ակնոցների համար։

• Լավագույնը լավի թշնամին է։

• Ազատությունը կայանում է այն բանում, որ կախում ունենաս միայն օրենքներից։

• Երկրային դրախտն այնտեղ է, որտեղ ես ապրում եմ։

• Ողջերի մասին պետք է հարգանքով խոսել, մահացածների մասին՝ ասել միայն ճշմարտությունը։

• Սերը բոլոր կրքերից ուժեղագույնն է, քանի որ միաժամանակ տիրում է գլխին, սրտին ու մարմնին։

• Մարդիկ օգտվում են խելքից միայն այն բանի համար, որպեսզի արդարացնեն իրենց անարդարությունները, ու լեզվից, որ թաքցնեն իրենց մտքերը։

• Անարդար հրամանը կատարելը հանցագործություն է։

• Հուսահատությունը հաճախ ճակատամարտեր է հաղթում։

• Ամբողջ հին պատմությունն ընդամենը հորինվածք է, որի հետ բոլորը համաձայն են։

• Եթե Աստված գոյություն չունենար, նրան հարկ կլիներ ստեղծել։

• Որպեսզի ճանաչես Աստծուն, պետք է հենց Աստված լինես։

Comment here