ԿԳՄՍ նախարարության և ՀՀ-ում Հնդկաստանի Հանրապետության դեսպանատան համագործակցությամբ Երևանի Կասկադ համալիրում նշվել է Յոգայի միջազգային օրը:
Միջոցառմանը ներկա են եղել ԿԳՄՍ նախարարի տեղակալ Դանիել Դանիելյանը և ՀՀ-ում Հնդկաստանի Հանրապետության դեսպան Նիլակշի Սահա Սինհային:
Յոգայի միջազգային օրը հռչակվել է ՄԱԿ-ի Գլխավոր ասամբլեայի կողմից 2014 թվականին. 179 երկիր, այդ թվում՝ Հայաստանը, կողմ է քվեարկել այս նախաձեռնությանը: 2015 թվականից սկսած՝ ամեն տարի նշվում է Յոգայի օրը ՝ նպաստելով առողջ ապրելակերպի տարածմանը և մշակութային արժեհամակարգի փոխանակմանը։ 2016 թվականին ՅՈՒՆԵՍԿՕ-ի կողմից «Յոգա» անվամբ հայտը գրանցվել է որպես մարդկության ոչ նյութական մշակութային ժառանգություն՝ որպես հնդկական փիլիսոփայության և կենսակերպի արտահայտություն։
Մեր տելեգրամյան ալիքը՝ t.me/usanoghnews
