Հունիսի 22-ից Արցախի պետական համալսարանու մեկնարկել է 2019-2020 ուսումնական տարվա բուհի շրջանավարտների դիպլոմների շնորհումը: 2019-2020 ուսումնական տարում բուհը թողարկում է 730 շրջանավարտ, որից 560-ը` բակալավրի, 170-ը` մագիստրոսի կոչումով: Բակալավրիատի 560 շրջանավարտներից 192-ը բուհն ավարտել են գերազանցության դիպլոմով:
Այսօր ԱրՊՀ համար 2 մասնաշենքի (բանասիրականի մասնաշենք) պուրակում տեղի է ունեցել բանասիրական ֆակուլտետի շրջանավարտների դիպլոմների շնորհման արարողությունը` պահպանելով համավարակի տարածումը կանխարգելող բոլոր պայմանները:
Տնտեսագիտական ֆակուլտետի շրջանավարտների դիպլոմների հանձնումը տեղի կունենա հունիսի 23-ին, պատմության և իրավագիտության ֆակուլտետինը` հունիսի 24-ին, մանկավարժության և սպորտի ֆակուլտետինը` հունիսի 25-ին, բնագիտական ֆակուլտետինը` հունիսի 26-ին, ժամը 9:00-ից, ԱրՊՀ համար 2 մասնաշենքի պուրակում:
Comment here
Դուք պետք է մուտք գործեք՝ մեկնաբանությունը ուղարկելու համար։